Lyrics | Main Khake Karbala Hoon | Mir Hasan Mir

 

Lyrics | Main Khake Karbala Hoon | Mir Hasan Mir

​Main Khake Karbala Hoon, Rutbaa Mera Juda Hai
Binte Ali Ne Mujhko Chadar Bana Liya Hai
Karte Hain Rashk Mujh Par Kausar Ke Bhi Kanare
Zainab Ke Sar Mein Maine Do Saal Hai Guzaare
Mera Har Ek Zarra Har Zulm Ka Gawaah HaiAkbar Jawaan Qasim Ghazi Se Chaand Taare
Zainul Imaan Meri Aagosh Mein Utaare
Yaani Lahoo Nabi Ka Mujh Mein Mila Hua Hai
Roti Hu Yaad Kar Ke Woh Bekasi Ka Manzar
Maula Chhupa Rahe The Mujh Mein Woh Laashe Asghar
Uss Din Se Aaj Tak Na Mujhko Sukoo’n Mila Hai

Shohdaa-E-Karbala Ke Zakhmo’n Ko Maine Chooma
Zahra Ki Betiyo’n Ke Kadmo Ko Maine Chooma
Iss Waaste Hi Meri Taaseer Mein Shifa Hai

Akbar Ki Laash Par Jab Shabbir Jaa Rahe They
Uthte The Baithte The Aur Ladhkhada Rhe The
Manzar Woh Abh Bhi Meri Aankhon Mein Phir Raha Hai

Aye Zaaereen-E-Maula Chalna Yahan Sambhal Kar
Quran Fatima Ka Bikhra Hua Hai Mujhpar
Naa Jaane Kis Jagah Par Kiska Lahoo Gira Hai

Tauqeer Tu Bhi Karle Aale Aba Ka Matam,
Jo Shaam Mein Gayi Thi Uss Berida Ka Matam
Mamnoon Maatami Ki Makhdoom Fatima Hai